يعني ايه شيعة ؟ -1

بسم الله الرحمن الرحيم

طب ما احنا عارفين ياسيدي " يعني ايه شيعة " عايز تتأكد اني عارف " يعني ايه شيعة " اقولك :
-    الشيعة دول اللي كان وراها عبد الله بن سبأ اليهودي .. ايوه هو ده الي أنشأها وزرعها في الأمة الإسلامية عشان يضرب بيها الإسلام ويدمر الأمة كلها .

-         الشيعة هما اللي بيؤمنوا أن القرآن محرف .. اعوذ بالله
-         الشيعة هما الي بقولوا في الأدان : اشهد أن عليا رسول الله أو نبي الله  .. ياراجل بلا كفر  أعوذ بالله ربنا ياخدكم
-    الشيعة هما الي بيقولوا سيدنا جبرائل خان الأمانة وبدل ما ينزل الرسالة على سيدنا علي نزلها على سيدنا محمد صلى الله عليه وسلم .. شفت هبل اكتر من كده ... قال وجاي يقلنا يعني ايه شيعة .. هههههههههه
-         مش الشيعة دول برضه اللي بيبيحوا الزنا وبيقولوا عليه زواج متعة ؟ مش صح برضه
-         مش الشيعة دول الي بيسبوا الصحابة .. ياراجل صحابة رسول الله بتسبوهم وتشتموهم ..؟؟  اعوذ بالله
-    مش الشيعة دول اللي بيصلوا على حجر او شقفة وبيحجوا لكربلاء والنجف .. عارف انت طبعا كربلاء والنجف اه .. اللي فيها أئمتكم .
أقول كمان ولا كفاية كده .. اظن بعد اللي قلته ودا شيء صغير جدا طبعا من اللي عندي أظن بعد كل ده أتوقع هتقفل الجروب وتقول : ربنا حليم ستار وكفاية فضايح كده ..
أحسنلك يامصري ياشيعي انت انك تتوب وترجع عن فكرك ده لأن فكر ملوش اساس وكله غلط .. ربنا يهدي ويشفي
عارف ان سيادتك هتقول كده وأكتر من كده كمان لكن ياريت تسمعني ولو مرة واحده .. انت سمعت عننا كتيييييييييييير لكن مسمعتش مننا ولا مرة .ودي تفرق كتيييييييييييييييييييييييييييييييييييييييييييييييييير جدا .
ياشيخ دا ربنا قال لرسوله الكريم صلى الله عليه وآله وسلم لما كان بيحاور اليهود
" قل هاتوا برهانكم إن كنتم صادقين " ودول يهووود يعني معروف مسبقا ضلالهم وانحرافهم ... لكن ربنا بيعلمنا ازاي نتحاور  ولازم نسمع للطرف الآخر .. نسمع منه مش عنه .. عشان يكون حكمنا عليه صحيح وليه اساس سليم
مش نفهم غلط وبالتالي نحكم غلط .
وقال ربنا جل وعلا : " بل كذبوا بما لم يحيطوا بعلمه .."
مش بس نسمع من الطرف التاني .. بل نركز فيه قوي ونفهم هما بيقصدوا ايه من كلامهم دا كويس جدا والا لو محاولناش نفهم كويس معنى كلامهم ممكن في بعض الأحيان منقبلش كلامهم ونرفضه .. ليه ؟ عشان فهمنا نصه او فهمناه غلط ومش زي ما هما يقصدوا .. عشان كده ربنا بيعلمنا ازاي نحكم على الأخر وامتى
وبعدين خليني امشي بطريقتك شوية واجاريك واقلك :
-    بالعكس تعرف بقى ان الشيعة هما الاسلام الحقيقي مش حد تاني ... وان أول من سماهم شيعة وأطلق عليهم الأسم ده كان الرسول الأعظم صلى الله عليه وآله وسلم ..
-         طبعا مش هتستحمل وهتقاطعني وتقلي : انت بتخرف بتقول ايه انتوا كده ياشيعة الكذب في دمكم .. عادي يعني
-         هقلك متستعجلش .. واقرأ معايا الاحاديث دي :

أخرج ابن مردويه عن عائشة، قالت: قلت يا رسول اللّه من أكرم الخلق على اللّه؟ قال: «يا عائشة، أما تقرأين (إِنَّ الَّذِينَ آمَنُوا وَعَمِلُوا الصَّالِحاتِ اُوْلئِكَ هُمْ خَيْرُ البريَّة) ـ البيّنة / 7 ـ »

أخرج ابن عساكر عن جابر بن عبداللّه قال: كنّا عند النبي ـ صلى الله عليه وآله وسلم ـ فأقبل علي فقال النبي: «والّذي نفسي بيده إنّ هذا وشيعته لهم الفائزون يوم القيامة،ونزلت (إنّ الّذين آمنوا وعملوا الصالحات اُولئك هم خير البريّة) فكان أصحاب النبي إذا أقبل علي قالوا: جاء خير البريّة

وأخرج ابن عدي عن ابن عباس قال: لمّا نزلت (إنّ الّذين آمنوا وعملوا الصالحات اُولئك هم خير البريّة) قال رسول اللّه ـ صلى الله عليه وآله وسلم ـ لعلي: «هو أنت وشيعتك يوم القيامة راضين مرضيّين»

روى ابن حجر في صواعقه عن اُمّ سلمة: كانت ليلتي، وكان النبي ـ صلى الله عليه وآله وسلم ـ عندي فأتته فاطمة فتبعها علي(رحمهما الله) فقال النبي: يا علي أنت وأصحابك في الجنّة، أنت وشيعتك في الجنّة

روى أحمد في المناقب: انّه ـ صلى الله عليه وآله وسلم ـ قال لعلي: «أما ترضى أنّك معي في الجنّة والحسن والحسين وذرّيتنا خلف ظهورنا، وأزواجنا خلف ذرّيتنا، وشيعتنا عن أيماننا وشمائلنا»
وفي غيرها كتيييير ..
ايه رايك .. عرفت بقى مين اللي سمانا شيعة ؟؟

مش كده بس هقلك على حاجه كمان : ازاي تقدر تثبت ان الاسلام وصلك صح وانتوا مكتبتوش الأحاديث ودونتوها الا بعد حوالي 140 سنة من عهد الرسالة ؟؟ تقدر تقلي ازاي وبأي طريقة اسطورية وصلتكم الأحاديث ؟ !! طبعا انت عارف يعني ايه 140 سنة ممنوع فيها كتابة أي حديث عن الرسول صلى الله عليه وآله وسلم ..فازاي بقى نقدر نثبت الاحاديث الصحيحة من الضعيفة من الموضوعة اساسا ؟؟ !
وإذا كان ابو حنيفة النعمان بجلالة قدره ولسه كان في القرن التاني الهجري ومصحش عنده غير 17 حديث بس ؟!! يبقى ازاي هنعرف نميز انهي صحيح وانهي ضعيف من كمية الأحاديث الكبيرة اللي وصلتنا ؟؟
140 سنة دا الفارق الزمني بين رسول الله صلى الله عليه وآله وسلم وبين كتابة الحديث .. نفسي في اجابة مقنعة .. بس .